2023年11月10日

熬夜肌膚變得乾燥、暗啞和脆弱，靠補眠可唔可以修復熬夜肌？

熬夜係導致皮膚老化嘅重要因素之一。熬夜對皮膚嘅影響非常明顯。當每次熬夜後，隔日起身可能會有頭痛、肌膚乾燥暗啞，甚至可能出現粉刺同敏感反應。熬夜其實對皮膚到底有咩關係呢？可唔可以靠補眠彌補熬夜所帶嚟嘅影響？

熬夜肌膚

熬夜直接影響皮膚係由於日夜顛倒、作息唔正常或者睡眠唔足，令皮膚無辦法完全修復同恢復，令肌膚無辦法及時補充水分同營養。熬夜對皮膚嘅影響非常明顯，包括皮膚缺水、毛孔粗大、黑眼圈、皮膚暗啞同浮腫等問題。經常熬夜唔止係短期對皮膚造成負擔，長期睡眠不足亦會對皮膚產生長期影響。令皮膚質地變得粗糙、敏感、脆弱，更會加速皮膚老化嘅過程。

皮膚生物節律

當我哋嘅皮膚暴露喺環境光，例如陽光，便會觸發我哋身體內嘅中央時鐘，進而對皮膚進行調節。日頭時，皮膚會變得較厚及皮脂分泌旺盛，有助於有助於合成DNA，為夜晚做好修復嘅準備工作。

而夜晚，我哋嘅皮膚進入另一個狀態。會變得較薄及滲透性增強，而且血液流動速度加快。呢啲變化可以令皮膚更好地吸收所需嘅營養物質，同時係進行修復同再生嘅重要時刻，去應對日頭嘅各種損傷，例如環境污染同埋紫外線曝露。喺呢個時期，皮膚細胞亦會快速增殖。有助於保持健康嘅皮膚狀態。

熬夜肌重大迷思

補眠並唔能夠完全彌補熬夜所帶嚟嘅問影響。熬夜打亂咗生理時鐘嘅節奏，影響身體嘅調整同適應能力，包括影響到睡眠、食慾同精神狀態等方面。而熬唔止係改變睡眠時間，仲包括外部光線刺激例如手機、電腦同燈光等等，會干擾皮膚嘅生物節律，進而引起節奏混亂。所以，除咗調整睡眠時間之外，睡前控制好周圍環境嘅光線亦好重要。